莊思敏考牌揸艇仔

女星莊思敏(Jacquelin)、柏天男、黃榕及黃百鳴等前晚到銅鑼灣出席電影首映禮,Jacquelin透露原相約妹妹莊思明齊齊捧場,可惜被對方「放飛機」:「冇計,佢要上堂,最近我哋都一齊上堂。(上堂學乜?)我哋一齊考船牌,希望可以揸吓艇仔。(買咗遊艇?)呢啲問朋友借得啦!」

柏天男早前參演的電影《L風暴》反應不錯,對演出充滿信心的他已接下兩個新角色:「依家積極準備中,仲會抽時間上堂學好中文同埋Keep Fit,之前打戲比較多,今次會有比較多內心戲,係講兄弟情。(有冇機會騷肌?)等我練出成績先,見到好多前輩體格好好,自己想再清減啲,可以有腹肌同背肌,有機會一定會帶畀觀眾。」