胡定欣「集資人情」賀展鵬
藝人胡定欣、陳豪、溫碧霞、吳卓羲、陶大宇、李若彤、郭晉安及盧惠光，昨日到將軍澳出席品牌記者會。提到定欣日前沒有出席緋聞舊愛陳展鵬與單文柔的新婚派對，她表示有收到邀請，但因時間問題趕不切出席，問會否補送禮物？她說：「一班姊妹會夾份畀利是。（羨慕佢結婚？）努力工作，隨緣啦！」她又透露跟好友姚子羚、蕭正楠及曹永廉到瑞士拍節目《兄弟姊妹去旅行》，全程夾計整蠱曹永廉：「佢做咗我哋箭靶，有好多趣事，開心到唔捨得走！」
身穿低胸Tube Dress的溫碧霞，分享保養心得是自17歲起無間斷做Gym，最近更每日做瑜伽：「我係辛苦命，一定要搵嘢做、搵嘢學，唔可以做少奶奶。」陳豪提到三個寶貝仔女即眉飛色舞，笑言仔女開始黐身，每次兩公婆想二人世界外出，他們都會爆喊。他又指稍後要忙為細仔及囡囡搵學校兼面試：「我會自己排隊，藝人都冇情講，呢啲六親不認o架！」
