杜德偉買靚衫畀囝囝

歌手杜德偉（Alex）日前到法國出席巴黎時裝周，獲邀為外地時尚雜誌拍攝封面故事，工作外除相約有份拍攝的黃聖依食飯，更變身太太的專屬攝影師：「啲景咁靚點可以唔影，啲相靚到可以當做結婚六周年紀念相！」囝囝AJ今日就兩歲生日，廿四孝老竇Alex趁身處巴黎，四出為囝囝選購生日禮物：「我覺得唔一定要買好貴或者名牌，最緊要啱佢，平日都鍾意幫佢襯衫，今次想買件衫仔畀佢，或者佢依家未必明白呢份心意，希望佢大個會感受到。」