南韓嘅模特兒出名樣靚身材正，每次出現都會成為男士嘅焦點，不過要喺芸芸模特兒之中突圍而出，單憑養眼嘅外形絕對唔夠，還要有其他嘅優勢，先至可以獲得長期支持，而趙姻穎就係憑住嬌媚魅力成為男士心目中嘅女神。
唔少人成日將贏在起跑線呢句說話掛喺嘴邊，認為要勝人幾籌就先要做好準備，但現實中有啲嘢就係咁唔公平，有啲女人天生有種吸引男性嘅魅力，好似南韓模特兒趙姻穎便憑住媚力成為首屈一指嘅性感女郎。早喺讀書時期，身高172cm嘅佢擁有一對修長美腿，引嚟唔少人羨慕嘅目光，加上迷人嘅身段，引嚟唔少星探埋身，邀請佢加入模特兒行列，不過當時嘅佢對模特兒工作一啲興趣都冇，反而想成為時裝設計師。畢業之後，佢喺一間時裝公司工作，由於外形吸引，獲賞識擔任公司嘅模特兒，隨住同職業模特兒接觸嘅機會多咗，令佢漸漸產生興趣，加上佢對刻板嘅辦公室工作感到厭倦，便決定投身模特兒行列。
姻穎同好多初出道嘅模特兒一樣，以攝影模特兒工作為主，除咗增加經驗，同時鍛煉對鏡頭嘅敏銳度。由於氣質出眾，加上表現出色，冇幾耐就被事務所安排擔任賽車女郎，喺釜山舉辦嘅賽車活動上登場，雖然係首次演出大型活動，不過佢唔係太緊張，反而擔心自己嘅身材唔夠出眾，吸引唔到人注意。事實證明佢嘅擔心係多餘嘅，自呢次活動之後人氣急升，更紅遍網絡。
趙姻穎被喻為誘動男士靈魂嘅小妖精，不論樣貌同身材，絕對係女神級數，點解佢覺得自己嘅身材唔夠出眾呢？原來佢覺得自己雙峰唔夠突出，尤其係同其他賽車女郎比較之下，更令佢感到自卑。為咗彌補自己嘅不足，佢以迷人嘅笑容嚟吸引大家嘅目光，須知道佢本身散發出一種蕩人心神嘅媚惑力，加上甜美嘅笑容，更係令男士冧到暈。憑住如此亮麗嘅處女登場，事務所對姻穎充滿信心，安排佢主力做賽車女郎，而事實證明呢個安排相當明智，皆因隨住佢嘅演出愈嚟愈多，人氣亦不斷上升。
2013年姻穎參加第2屆韓國賽車模特兒大賽，憑住過人嘅氣質，結果獲得最佳新進賽車模特兒獎。翌年，佢再參加第3屆比賽，最後獲得汽車運動卓越獎及特別獎。隨住人氣不斷提升，姻穎嘅工作唔再局限做賽車女郎，更以車模身份喺多個國際車展上登場，換上優雅套裝示人，魅力爆燈，配合一對美腿，每次登場都會成為焦點。正因為如此吸引，喺2015年第4屆韓國賽車模特兒大賽中，姻穎奪得年度最佳車模大獎，令佢自信心大增，更堅定日後喺模特兒界發展嘅信心，不過講到最令佢滿足嘅，係大家對佢工作嘅肯定。
簡介：雖然趙姻穎覺得自己嘅雙峰唔夠激凸，但其實佢渾圓嘅美股相當煞食，每次換上緊身賽車女郎制服時，堅挺渾圓嘅臀部總會令男士有心跳加速嘅感覺。如果大家想了解佢多啲，就要Click入呢個網站喇！
網址：http://cafe.daum.net/joinyoung
出生地：首爾
身 高：172cm
三 圍：33-23-35
撰文：魂