黃一山無憾照顧病兒：係福氣
「同個仔一齊走都唔係壞事，係最完美嘅結局。」資深藝人「細龜」黃一山說。養兒一百歲，長憂九十九，面對長子患有不治之症，黃一山直言要活在當下，珍惜相處的日子，更指他朝百年歸老，不想獨留兒子在世上，希望雙雙告別人世，在天國繼續做伴，延續未完的父子情。
九十年代在搞笑節目《笑聲救地球》中被「笑聲拍板」拍到出位、並和影星周星馳合作電影《逃學威龍》的「細龜」黃一山，日前返母校香港中文大學接受東網巨星節目訪問，提到21歲長子患有腦白質發育不健全，現已不良於行，將來更可能失明。全程他沒有悲嘆嗟怨，更說照顧兒子是一種福氣：「過十年八年後，唔知我仲係咪喺呢個世界，如果個仔都係呢個時間離開，都算係完美嘅結局，大家一齊Bye Bye，可以有個伴。」
抱到手腕勞損
節目播出後，旋即成為全城熱話，大批網民指令人動容及催淚，更讚黃一山積極樂觀。昨日他接受本報訪問，對於將來想跟兒子一起「告別」，他說：「其實我都年紀大，體力下降，依家連抱佢都冇力，因為過往成日抱，手腕都勞損。如果我走先，留低個仔冇人照顧咪仲慘！一齊走其實唔係壞事，唔想留低佢一個咁孤單。」
兒子8歲開始確診後，黃一山一家未有放棄，不時一家人周圍遊玩享天倫，他說：「雖然個仔睇落好似好慘，但平時見到好多病人，相比下，我個仔唔係咁災難。我好珍惜同個仔相處嘅時間，因為唔知大家幾時走，所以要活在當下，好好珍惜。人要活得開心，否則會有Cancer（癌症），每個人都有癌細胞，如果唔抑壓反而噬番你轉頭。」
後天基因突變
他續說最近兒子覆診，醫生告知兒子是因後天基因突變：「腦有白質同灰質，各佔一半，冇灰質就係老人癡呆，冇白質就等於我仔咁，早期病徵係手震、行唔到直線，再差啲就要坐輪椅。」他早年說過兒子讀幼稚園時一切正常，曾拿賽跑冠軍，直到小一時出現手震及記憶力下降。