何雁詩喪操蜜桃臀

歌手何雁詩與泳兒（Vincy）等前晚到主題樂園出席晚會，最近勤於操練的阿詩身形弗爆，她笑言最想操到蜜桃臀：「依家都蜜桃o架啦，熟熟哋！」問到男友鄭俊弘是否很滿意？她笑說：「佢冇意見，我成日話自己肥咗，但佢好識講嘢，話都係咁靚，所以信佢一成，雙目失明！（咁你有冇讚番佢？）佢幾時都咁靚仔嘅！」但說完即忍不住扮嘔，非常搞笑。
何雁詩操肌有成果，風騷得掀起外套Chok甫。
何雁詩操肌有成果，風騷得掀起外套Chok甫。

泳兒搞「Deep V」騷

至於泳兒與男友同是10月壽星，她期望到歐洲旅行慶祝：「我有皮膚敏感，有朋友講浸死海會有幫助，所以想去。」而她稍後將與公司同事齊齊到澳門開騷，屆時會跟吳浩康（Deep）組成「Deep V」合唱，問到可會穿Deep V？她笑說：「我可能後面Deep V，叫佢（吳浩康）前面Deep V！」

泳兒以「Deep V」組合開騷，不過冇打算配合主題低胸上陣。
  • 泳兒以「Deep V」組合開騷，不過冇打算配合主題低胸上陣。