衛詩雅被娃鬼迷想帶佢返屋企！

藝人不時到各地拍攝，難免遇過「污糟嘢」，其中衛詩雅今年初到馬來西亞拍鬼片就「撞到嘢」，被鬼洋娃娃迷到撞邪咁！她透露導演為求有「真實感」，搵了三大猛鬼地方之一、一幢丟空多年的三層凶宅拍攝，故事圍繞一個洋娃娃疑似被靈體附身，同片的小演員在拍攝最後一天出事，衛詩雅說：「個洋娃娃個樣好恐怖，個細路女要同呢個公仔做戲，開頭喊晒唔肯攬，要我哋氹好耐！到最後一日，個女仔突然面色好差想嘔，於是我哋盡快拍晒佢啲戲份畀佢去醫院！」
衛詩雅與小演員跟手上的洋娃娃做戲，搞到出事。
衛詩雅與小演員跟手上的洋娃娃做戲，搞到出事。

師傅畫符鎮住

到第二日小演員出席煞科宴，卻完全沒事，有師傅解釋：「大宅內有小朋友靈體，成日想黐住個女仔玩，可能知佢嗰晚係最後一晚，好唔捨得佢，搞到佢唔舒服。」最令大家驚訝是小女孩明明一直害怕該洋娃娃，煞科宴上卻一反常態，攬到實話要帶返香港，最大鑊連衛詩雅都「瀨嘢」：「我見到個公仔都好有衝動想帶返香港，直情諗埋放喺屋企邊度！我都覺得好古怪，其他人問我咩事，我呆一呆，下意識擰一擰頭，佢哋即刻搶走個公仔，師傅話個公仔好邪，喺佢面上畫咗度符，我依家諗番都有啲驚！」

潘紹聰講述謝雪心愛犬回家伴心姐的故事。
  • 潘紹聰講述謝雪心愛犬回家伴心姐的故事。