周家怡重色輕友愈危愈愛

目前享受單身的周家怡，自認以往拍拖都會變得嗲聲嗲氣。

演員周家怡為東網巨星節目「海馬牌床褥特約」《閨蜜睡房》擔任嘉賓，與主持李惠儀（Kiwi）分享她的感情世界，她承認重色輕友，又自嘲說：「我可能食食吓飯走先，有啲乞人憎。」個性獨立、爽朗的她，笑言每次拍拖就變得小女人，她笑說：「女仔一拍拖就好嗲，會將自己撳到好低，我都鍾意大男人，以前啲男友都係呢類，全部係圈外人。」

目前享受單身生活的她說：「自己一個有自己一個嘅開心。」而感情上她追求感覺，並說：「單憑感覺係最危險，但如果對嗰個人完全冇感覺就冇o架啦！」另外，她直認鍾意靚仔：「個樣都有少少因素，係決定好感同唔好感。」曾經有朋友叫她擴大生活圈子，出去食飯認識新朋友，但她說：「我都冇呢個動機，覺得感情係天意，過往嘅男友都係從朋友認識開始。」

幫「狗狗」沖涼叫救命

長情的家怡每晚睡覺都會攬住狗公仔，原來是初戀男友送的禮物，她說：「去到邊都會帶住佢。」因為要帶上節目，事前她為公仔洗白白，卻出現小問題搞到她要求救，想知道是甚麼？以及知道更多家怡的秘密、心聲，記得本周五、六、日收睇《閨蜜睡房》！

周家怡每晚一定要狗狗公仔陪瞓。

周家怡與主持李惠儀傾完心事，一齊打坐。