黃婉曼餵唔掂囡囡抱抱行街氹開餐

點氹都冇符，黃婉曼惟有抱囡囡四圍走。

擁有32F激凸身材的黃婉曼（Icy），2014年底下嫁拍拖多年的會計師兼馬主馮柏基後，一直努力造人希望生小朋友，去年終於得償所願誕下囡囡Kyra，一家三口樂也融融，不經不覺囡囡上月剛滿一歲。

全家幫手餵

日前下午，Icy與老公偕囡囡及奶奶三代同堂到中環High Tea，同行還有一名家傭。見他們點了梳乎厘等甜品，期間Icy餵囡囡進食，Kyra卻被餐枱上的物件吸引，不停伸手摸，Icy見狀即急急撥開餐具，然後繼續餵女，但囡囡食兩啖即擰歪面，家傭和奶奶見狀即幫手餵，但活潑的Kyra坐唔定周圍擰，Icy又呵又氹都搞唔掂，於是抱囡囡步出餐廳，在附近行了一會，然後折返餐廳繼續食下半場。

身材激凸追老公

眾人逗留個多小時埋單走人，馮柏基先抱女兒步出，Kyra眼仔睩睩周圍望，相當可愛。而產後至今仍未收身的Icy依然Cup數強勁，見她急步追趕老公時，激凸身材跌盪，極為養眼，一行人及後往附近上車，由司機接載離開。

囡囡想摸餐具，黃婉曼即出手阻止。	囡囡話唔食就唔食。	黃婉曼身材激凸，極為養眼。
馮柏基帶女兒先行離開餐廳。