子丹讚囡囡有台型：想唔畀佢入行都唔得！

藝人甄子丹監製及主演的新片前晚於九龍灣舉行首映禮，被問到有傳演員到內地拍戲的稅項大幅增加，他坦言做演員是多勞多得：「做多啲咪要交多啲稅囉！政策係針對嗰啲唔用心拍戲嘅人，我本身透明度好高，況且同開大公司好似英皇及王晶等合作，攞嘅酬勞都視乎每部戲嘅投資及擔任崗位而定。」又認為片商不能「將貨就價」：「話啲錢畀晒演員，其他嘢就減少製作費唔得囉！要攞平衡。」提到新作講及本港教育制度，他自言不喜歡讀書：「不過3個仔女讀書都冇問題，大嗰個最叻，講跳舞唱歌梗係囡囡，佢上到台好有風格，想唔畀佢入行都唔得。」