陳法蓉聞「冰」色變
藝人劉倩婷、陳法蓉及張名雅等昨日於九龍塘出席慧妍雅集活動，陳法蓉曾與梁小冰因穿慧妍雅集風褸問題而鬧翻，問到會否叫小冰再次出席慧妍雅集活動？她說：「我依家唔係會長，做會員感覺輕鬆啲，因為做會長好忙。（心態唔同？）會做多啲慈善囉，希望可以搵到更多善款去幫人！」至於可會介意與小冰同場？她即落閘表示：「唔想再提一啲唔關我事嘅嘢啦！」
身為會長的劉倩婷被問到可有請小冰出席慈善活動？她表示不清楚對方的消息，但亦歡迎對方參與。提到好友陳茵媺（Aimee）的大仔Aiden與她的囡囡感情要好，她笑說：「佢哋鍾意睇書，會一齊睇同咬耳仔，我同Aimee都插唔到嘴！」但笑指並非想對親家。
張名雅則透露囝囝已一歲大，不過目前未有生第二胎的計劃，因為擔心幫她湊仔的媽媽會太辛苦。