無綫藝人陳智燊（Jason）與宋熙年（Sarah）2016年結婚後一直努力「造人」，前日Jason突然上載相片報喜，正式宣布做爸爸，Sarah笑說：「老公超開心，流晒口水。」講到佗B情況，Sarah表示：「BB好乖，所以唔太辛苦，Jason都好貼心照顧我。我哋好開心，多謝大家祝福，我會好好照顧自己。」她表示不太在意胎兒的性別，反而認為BB健康才是最重要。問到會否減少工作安心養胎？她直言：「經理人、公司安排得好好，只要唔太辛苦都會繼續開工，到時再睇身體狀況，希望做一個家庭事業兩得嘅好媽媽。」