麥子樂HeHe激咀獲讚脫胎換骨

英皇藝人麥子樂與電影《翠絲》導演李駿碩（Jun）合拍同志電影，早前趁「香港國際影視展」期間，舉行特別試映場，座無虛席之餘更吸引荷里活著名電影雜誌《Hollywood Reporter》派員採訪，事後撰文讚子樂演技「脫胎換骨」，子樂受訪謙稱：「人哋係嚟睇Jun咋，佢喺『鮮浪潮』（導演界）有名，你估真係嚟睇我咩？」
麥子樂（左）同李駿碩在新片不乏親熱場面。
麥子樂（左）同李駿碩在新片不乏親熱場面。

同居助入戲

戲中子樂不單與Jun有激咀及床戲，更騷肌演出，可謂相當「賣命」。談到入行14年以來首次「咀仔」，他表示：「劇情交代我哋重遇後，一發不可收拾，咁投入咗就冇分男女喇！（NG多唔多？）幾次啦，主要係燈光同擺位問題。為咗培養感情，澳洲外景期間，我哋同兩個男工作人員住埋一齊，瞓醒就輪流煮早餐，收工又去酒吧傾心事。」子樂坦言現實中亦試過被同性追求：「不過唔啱眼緣。其實喺愛情嘅世界應該無分性別嘅，況且我身邊好多呢類（同志）朋友。」他又指台前幕後對此片寄望甚高：「想攞去參展先，所以暫時未定到上映日期，希望有好成績啦！」

文：影視組

麥子樂在戲中亦有騷肌。
  • 麥子樂在戲中亦有騷肌。
麥子樂今次破格演出，演技大獲好評。
  • 麥子樂今次破格演出，演技大獲好評。