浴室開Live古巨基被老婆肚臍嚇親
歌手古巨基五月於紅館舉行《古巨基WE我們世界巡迴演唱會香港站特別版》，昨日公開售票反應熱烈。為了答謝歌迷，基仔前晚在私人工作室舉行兩場線上直播音樂會，分別於浴室及廚房進行「浴室Music Live 」和「阿基廚房」私人派對，大唱經典歌及讓歌迷點播，兩個Live加起來有超過百萬觀眾同步觀看，基仔更笑言自己和樂隊是最新組合「浴袍團」。
在「阿基廚房」環節，一班好友周慧敏、雷頌德夫婦、森美等齊齊現身兼爆料，雷頌德憶述基仔與老婆的地下情令他保守秘密得十分辛苦：「明明知係佢條女，但佢哋都係唔出聲，搞到我哋要扮唔知。到有日佢突然話，唔該幫我寫首歌畀Lorraine，我就大笑問佢，寫首『最佳助手』呀？」
周慧敏亦笑言感受到Lorraine的衣着變化：「拍拖前嘅古太會着短裙仔同低領衫，拍拖後見佢包到實一實。不過我都係同Mark（雷頌德）一樣，扮唔知囉！」基仔對好友玩踢爆不但不介意，還搞笑爆埋一份：「我冇逼老婆着得密實！當年佢第一次帶我入電台派歌宣傳，佢着露臍裝，成個肚臍畀我睇晒，我睇到眼都凸埋。」
