昨日為兒童節，星級父母紛紛晒親子照與眾同樂，其中剛榮升人父的藝人楊潮凱，昨日在社交網上載父女合照，見他一臉冧爆望住囡囡，果然有女萬事足！靚媽楊愛瑾亦化身「晒仔狂魔」，分享囝囝Luken的得意相，只得1歲的Luken向鏡頭瞇眼放電，迷倒不少網友，電力十足。
另外，歌手吳雨霏（Kary）同樣母愛爆棚，懷孕的她與一班來自蒙古的小朋友到主題樂園玩，並開心合照留念。相中Kary穿上白色鬆身衫現巨肚，但面部未見浮腫，可謂得天獨厚！她更攬實小朋友溫馨合照，又寫道：「見到佢哋玩得咁開心，我個心都溶咗。」