蔣雅文姊妹檔爆老公爭寵
前歌手蔣雅文昨日偕妹妹蔣雅詩及徐天佑，出席瑞士天梭表期間限定咖啡店揭幕禮，周奕瑋擔任活動司儀。講到首次與妹妹出席公開活動，雅文坦言與妹妹年齡相差9年，細個有份湊妹妹，故算是半個媽媽、姊姊及朋友。
問妹妹可有意入行？她說：「我都廿到抿，唔好搞啲咁嘅嘢。」問到她可有意跟家姐去台灣生活？她表示之前已去過3年，但後來返回香港。雅文即爆料：「我同佢廿幾年感情都比唔上佢男朋友，佢因為男朋友所以先返番嚟香港。」她又大爆妹妹與老公爭寵：「如果我同阿妹去街嘅話，老公就會係咁打嚟問我去咗邊、幾時返嚟，冇辦法，受歡迎係咁困擾。」而天佑則分享畫畫的慘痛經歷，其中外星人畫作被老婆形容「驚為天人」：「佢叫我將幅畫擺開，因為佢好憎外星人，而且我又真係畫得幾核突。」