張景淳告別《愛．回家》引發工業行動
藝人張景淳近期因在劇集《愛．回家之開心速遞》的「龔燁」一角而人氣急升，惟因另有工作安排而要暫時離「家」告別劇組。前晚劇情交代他因為幫「熊若水」呂慧儀食死貓而辭職離開香港去新加坡，作為他「消失」該劇的原因。
網民集氣求回歸
怎料此舉觸動大批網友，在其社交網站紛紛洗版式留言大呼不捨，有網民留言：「還我龔燁！」等，同時聲稱要在網上發起以「龔燁」為諧音的「工業」行動，跪求張景淳「快回家」！
昨日張景淳接受本報電話訪問時，表示多謝網友愛戴，他說：「因為我嚟緊有其他工作，所以公司有呢個安排。我雖然只係拍咗四個月，但成個團隊氣氛好好，呂慧儀係我咁多套劇入面最有默契嘅一個對手。（網友要求你回家？）我見佢哋集氣又喺討論區開Post講，真係好緊張，自己好感恩、好開心，其實我心情同佢哋一樣。『龔水』（同呂慧儀）有冇得繼續就要睇緣分，大家要繼續睇落去。」
融入「家明」性格
由於當年他憑劇集《天與地》中「家明」一角深入民心，如今其「龔燁」一角再令網民有如此大反應，他直言意想不到：「因為『家明』嘅性格元素例如易恰等，都有注入『龔燁』呢個角色，所以今次我覺得『家明』係萬能Key！估唔到網友咁大反應，真係要多謝編劇同監製，冇佢哋冇我。」
文：專案組