讚兩兒愛錫妹妹 陳倩揚佗女享受左擁右抱

陳倩揚與丈夫喜歡大家庭，不排除生夠一隊籃球隊！

懷第三胎的前港姐陳倩揚，為東網巨星最新一集「海馬牌床褥特約」《閨蜜睡房》擔任嘉賓，與主持俞詠文（Angela）分享家庭樂。倩揚表示兩個囝囝已知道屋企將會有新成員：「細佬好Sweet，朝早一瞓醒擘大眼就嗌『BB、BB』，仲會伏喺我度！有時我都要小心啲，因為佢好熱情，又話聽到『Bulu Bulu』聲。而我每日一返嚟，哥哥、細佬都會爭住攬我，好得意。」

心郁郁繼續生

倩揚坦言今胎是計劃之中，因與老公鍾意熱鬧大家庭，一臉幸福地說：「結婚嘅時候都有共識，至少生兩個！仔同女對我嚟講真係冇所謂，最緊要一切正常、健康。生女係大家都好期望發生嘅結果，成件事就會好圓滿。」天秤座的她自言鍾意整數、雙數，故不排除再生：「當然要睇吓年紀，到時再睇吓生活同感覺先。」

陳倩揚接受主持俞詠文訪問，分享與兒子的日常趣事。	陳倩揚指夫婦各有教仔方法，互相尊重以免嗌交。	陳倩揚指兩個兒子學做哥哥，每日隔住肚皮同妹妹玩。

感性的倩揚跟理性的老公性格兩極，但走在一起已經十五年，生活上已經過多番磨合。管教子女方面，雖然兩人的方法不同，慶幸理念一致，倩揚說：「我鍾意傾吓講吓，但爸爸比較惡，容忍度冇咁高，做得唔啱就要罰！我哋有共識嘅，唔會干涉大家教仔方法，適當時間會互相調位。」港姐出身的倩揚高貴大方，究竟對新世代港姐有何睇法以及與老公的戀愛史，記得本星期五、六、日收睇《閨蜜睡房》！

文：音樂組