蔡少芬奉旨打張晉險中頭獎
娛圈夫妻張晉、蔡少芬（Ada）及藝人岑日珈到影視展出席電影活動，張晉稱呼太太為「蔡老師」，笑言太太演動作戲比她早，又爆料指Ada動作戲時快時慢，因此是一部「動作喜劇」。
張晉笑言今次做苦命鴛鴦，亦有對打鏡頭，Ada被問是否捨得？她說：「捨得！有一場戲我要擲槍畀佢，點知差啲擲中頭，嚇到我尖叫！」張晉笑言老婆動作「精準」：「佢係TVB出身，動作戲基本功好好，當時我都覺得梁朝偉基本功好好(口架)！」Ada笑言不敢與偉仔比較，問拍攝期間有否嘈交？Ada說：「冇喎，感受好好，好感恩，我哋返到屋企都仲傾緊套戲。因為我拍慣電視，節奏比較急，老公喺節奏同動作上都畀咗好多意見我。（有咀戲？）你哋入場睇啦！」張晉笑言戲中有兒子可以滿足一下，Ada聞言即反問老公如何滿足，問到會否生個仔？張晉笑說：「佢想我都唔想啦！」
岑日珈廁格遇死雀
岑日珈有份參演其中一部靈異片，她透露戲中與惠英紅合作，直言緊張，因為對方是一位專業演員，又透露拍戲時發生靈異事件：「我去洗手間，一打開廁所門，就有隻雀仔跌落嚟，即時死咗，嚇到我唔敢去，要去另一格！」