田蕊妮銀幕「無限奶」引觀眾反芻！

「邵氏兄弟電影發布會」昨日在灣仔會展舉行，香港導演會會長劉偉強、香港演藝人協會會長古天樂、英皇電影老闆楊受成、曾志偉、王晶等影壇中堅到場支持，在邵氏兄弟控股有限公司執行董事樂易玲主持下，齊齊進行鳴鑼儀式。

小生花旦期待拍戲

活動上公布曾志偉、王晶與王祖藍有新搞作，而鄭丹瑞工作室亦有新項目，志偉透露會以包括廣東省在內上億粵語觀眾為對象拍攝賀歲片，王晶就笑言已接下「任務」，為電視藝員帶來更多登上大銀幕的機會，到場支持的田蕊妮、高海寧（高Ling）、王浩信、朱晨麗、蔡思貝與楊秀惠等聞言相當興奮。

曾志偉與王晶預告電影新搞作。

王晶

高海寧行少少性感

阿田與高Ling被問到是否已獲安排工作？阿田笑說：「我都係嚟睇吓有冇嘢可以參與。（向志偉自薦演賀歲片？）好呀！搵我啦！我都演過搞笑戲o架！」高Ling亦希望再與王晶合作：「我第一部電影就係晶哥作品，都希望佢再預我一份。（要性感演出？）性感可以嘅，少少啦！」

朱晨麗與蔡思貝期待登上大銀幕演出。

蔡思貝

阿田又搞笑稱因TVB有「限奶令」，拍電影才有機會「發揮」，問可接受性感演出？她笑言：「我係骨子裏性感囉！或者下次高海寧演醜角、我就性感，咁樣觀眾咪覺得有反差囉，或者係反芻！」

文：影視組