挑機加國名廚霆鋒自信有得Fight！
藝人謝霆鋒無懼與加拿大星級名廚David Rocco比試廚藝，兩人將於一連五集的節目《名廚爭鋒》中，在澳門、順德、馬尼拉、怡保及吉隆坡五地展開中西烹飪大對決，當中更要蒙眼一較高下，節目於3月25日首播第一集。身在廈門的霆鋒昨日接受訪問，談及對戰David Rocco，向來信心爆棚的他承認好大壓力，亦有留意對手的烹飪節目：「佢捉到每個地方或者國家唔同料理嘅精髓，神髓係捉得幾準！」
唔怕「玩大咗」
過程中，霆鋒表示最難是蒙眼作賽：「蒙眼試菜聽落冇乜嘢，但試落好難，食完要複製番全部食材出嚟，冇咗視覺咁食嘢，個腦會諗到好多怪嘢。」他表示接拍這個節目後，很多人對他說：「玩咁大？今日嘅《鋒味》喺中國算係首席美食節目，攞自己去賭？咁輸咗呢？當然我自己覺得有得打、有信心先去嘅，為自己『鋒味』呢個品牌，我願意行到咁盡。」
過去霆鋒在《鋒味》的Chok爆廚技成為網民Cap圖目標，今次亦難「圖」被Cap？霆鋒笑說：「冇所謂，尤其是呢個唔係自己節目，規矩同評審都係佢哋搵，咁大家應該覺得最公正，我就試吓打一個美國節目番嚟。」他預告最難一集是在順德，要用煎釀鯪魚及大良炒鮮奶發揮，他便創出鯪魚瑞士卷及魚皮鮮奶等菜式。
