48歲天后「籮霸」珍妮花露柏絲（Jennifer Lopez）前日接受雜誌訪問時直言支持「#Me Too」反性侵行動，自爆初入影壇參與電影選角時曾遇上性騷擾事件：「有冇畀導演叫我除衫露胸？我遇過！有冇照做？我冇。」又直言作為女演員，曾擔心不照做的話會影響事業：「後來我將件事講出嚟，當時驚到個心就嚟跳出嚟！心諗：『我做緊乜？呢個男人可能會錄取我。』但內心覺得呢種行為唔啱。」
此外，經歷過三段婚姻的「籮霸」談及與42歲棒球員男友Alex Rodriguez的感情生活：「我仍相信婚姻，想同對方白頭到老，但唔會逼婚。」