好多女星演出裸露場面，美其名係為藝術而犧牲，實際上大家都知道係佢嘅演藝事業處於半紅不黑狀態，惟有出賣色相博上位。之不過，喺日本藝能界就唔同，裸露場面唔少都係女星初出道時上演，好似木村涼香就喺首部電影作品中嚟個裸背露波邊演出，結果成功上位喇！
一直以來日本寫真界同藝能界都係密不可分，所以寫真女郎已經唔再係寫真女郎咁簡單，經常會參演日劇同電影，至於女演員、女歌手亦唔會單純咁演戲同唱歌，久唔久都會拍吓性感寫真以滿足粉絲嘅眼球。而男人要一腳踏兩船分分鐘會出事，而女星要作兩棲發展一樣唔容易，除非好似木村涼香呢種前途無可限量嘅美人兒咁優秀啦！
木村涼香今年20歲，形象俏麗整潔，成日都精神奕奕且容光煥發，令人一望覺得極之醒神，諗諗吓下以後喺賽馬日落注之前都要望一望涼香嘅寫真照嚟提神醒腦增加靈感喇。涼香美貌令人精神一振，身材方面更係稱為神級，身高5呎6吋，三圍有34E-24-35，美巨乳、纖腰同長腿集於一身，身材比例幾近完美，難怪被日本傳媒稱之為「無敵Body」啦！
木村涼香身材咁好全因平時勤力做運動，而阿妹自4歲就開始練習體操，據講涼香曾有機會代表日本出戰大型運動會，但係佢一心想做一位出色嘅藝人，所以放棄做體操選手。涼香參加過唔少選美活動，例如「視覺WebS 2016」 ，更加獲得冠軍殊榮添！涼香出道以來事業發展得相當理想，贏得呢個冠軍之前已經受人賞識獲邀參演電影，仲要唔係做閒角，而係喺電影《カーラヌカン》擔任女主角，當中涼香有唔少裸露演出，包括背部全裸兼且露出波邊，另外亦有一場濕身透點場面，夠晒搏命！而呢部電影喺2016年開拍，原本諗住喺2017年上映，但係日子一拖再拖，搞到喺今年3月10日才全國公演，涼香嘅裸背美態終於有機會畀日本國民欣賞喇！
簡介：木村涼香近期除咗忙於宣傳電影，亦會演出音樂劇，工作忙到唔停得手，想留意阿妹嘅最新動態，大家記住要睇實佢嘅Twitter喇。
網址：https://twitter.com/suzuka7life
年齡：20歲
身高：5呎6吋
三圍：34E-24-35
撰文：賢