歐倩怡出招救婚姻慢慢磨合番
三屆視帝郭晉安早前透露與太太歐倩怡（Cindy）曾有過離婚念頭，昨日Cindy出席活動時，戲稱是「老夫老妻症候群」，並透露為挽救婚姻，規定兩人每星期吃一次燭光晚餐，更自爆為照顧一對子女，已十年沒拍拖外遊，有意二人世界去旅行。
藝人郭晉安與歐倩怡結婚十多年，育有一對子女，向來是圈中的模範家庭，不過，早前安仔自爆曾出現婚姻危機。昨日Cindy到大埔超級城出席「台灣澎湖煙火嘉年華」活動時，笑言可能是「老夫老妻症候群」：「大家好習慣同一個相處模式，返到屋企就係去解決小朋友嘅問題，投資太多時間喺小朋友上面，可能我都要倣效吓其他家長朋友抽時間兩公婆去旅行。」她直認當時大家對對方表現冷漠，似同屋住多過夫妻，幸好兩人都沒想過放棄：「以前錯過咗兩個人嘅相處時間，依家重質不重量，佢又開劇，我又要返學，大家聚少離多，但會一星期一次燭光晚餐或者去酒店食自助餐，大家慢慢磨合番，唔會咁輕易放棄。」
心痛囝囝拍門冇人應
Cindy更希望二人世界去旅行，而上一次已是十年前：「當時大仔得幾個月大，未係好識嘢，我哋仲可以留低佢喺香港畀我阿媽湊，但有次我哋去完旅行返嚟，我阿媽話你唔可以再留低個仔，下次要帶埋佢去，因為阿仔每朝經過我哋嘅房門都會拍好耐門，發現冇人應就好失落咁落去食早餐，我哋聽完都好心痛。依家囝囝就快十歲，兩個小朋友都咁大，都應該可以試吓兩公婆去旅行啩！」
姜麗文請教爸爸拍劇
同場的姜麗文（Lesley）透露下月接拍無綫劇集，問到可有向父親秦沛請教？她表示：「我睇劇本嘅時候，有唔明都會問爸爸，我好尊重佢嘅意見。」提到秦沛入圍金像獎的最佳男配角，Lesley坦言若當日不用拍劇，定必相伴行紅地氈，問到是否睇好爸爸得獎，她肯定地說：「佢永遠係我最佳男主角！」
文：名人組