溫碧霞冧讚周董可愛
不少圈中人都是周董粉絲，女星溫碧霞、甄子丹太太汪詩詩與名模陳祉妤前晚亦有捧場。溫碧霞自言是超級粉絲，周董每次來港開騷她都必定入場，前晚最喜歡周董與粉絲互動唱歌的部分：「基本上成個Rundown我都好鍾意，特別係佢好鍾意請啲粉絲唱歌，好可愛！佢嘅舞台同效果都好靚，全晚氣氛好好！」
至於陳祉妤數月前已四出撲飛，一星期前才落實有門票，坦言心情興奮：「成個演唱會嘅概念、製作、舞台、服裝、現場氣氛各方面都好好，係近年我最欣賞嘅演唱會！我同詩詩有入後台，但人太多，我哋又有啲怕醜，所以最後都係走咗。」她希望下次可以在其他地方欣賞周董的演出。