何超蓮貼中猷啟早婚
賭王三房千金何超蓮昨日與歌手王灝兒、名模馬詩慧與琦琦、IG女神倪晨曦、歌手鄭融、連詩雅等出席護膚品牌Lancome 3．8婦女節慶祝活動，超蓮的孖生細佬何猷啟快將結婚，超蓮連聲說恭喜：「係開心事，之後我可以（手豆）佢利是，好開心！（覺得未來弟婦點？）佢好高，係個好女仔，之後再去深入了解。」她與大家姐超雲也被猷啟搶先結婚，超蓮指一家人早有預感猷啟會最快拉埋天窗：「女仔都係遲婚，我同家姐都唔想咁早婚，猷啟搵到個啱嘅就早啲結婚囉！（超雲有冇嬲細佬爬頭？）點會。（你要急起直追？）唔會呀，我26歲咋，唔需要咁快。」
瞓身谷麵店
對於前男友吳克羣拍拖，超蓮大方送祝福，亦不會因此更心急拍拖，問到家姐可有拖拍？她說：「未，你哋影到就有，影唔到就冇。我都唔知，我哋冇傾呢啲。」提到代理的台灣牛肉麵將於4月開幕，她揚言會日日坐鎮，今次朋友投資少少，自己佔大部分：「投資咗7位數，攞咗全球經營權，希望可以喺全球開，超過100間，上到市就最好。」
倪晨曦未想嫁
倪晨曦早前到歐洲出席時裝周順道與男友旅行，男友未有趁機求婚，她亦不會太快結婚。問到男友是否儲多點錢才娶她，倪晨曦說：「佢有目標，男仔會識做，唔使我提，佢好有上進心，屋企人對佢印象都好好。」而琦琦與馬詩慧兩人老友鬼鬼，笑言可以開雙人棟篤笑，若觀眾覺得不好笑，就由馬詩慧穿上比堅尼「找數」！
文：名人組