蕭正楠咀陳凱琳 Feel到嘉穎陣味!

蕭正楠與陳凱琳昨日宣傳新劇，自爆有一場要吊威吔拍咀戲，笑言使出雙人絕招，令威哋交纏。蕭正楠還「踢爆」咀對方時感受到「嘉穎的味道」，搞到陳凱琳哭笑不得！

藝人蕭正楠（Edwin）、陳凱琳（Grace）、湯洛雯（靚湯）與黃智賢等，昨日到將軍澳出席新劇《翻生武林》宣傳活動。Edwin透露與Grace有一場「巴黎鐵塔反轉再反轉」式咀戲，笑言從中感受到「嘉穎的味道」，Grace即反擊要Edwin好好享受「翠如的味道」，認真重口味！

提到這場吻戲，Edwin笑言兩人咀到夠晒交纏：「其實個畫面好靚，Grace仲要紅粉緋緋咁！我哋會有雙人絕招，搞到啲威吔都纏埋一齊！」Grace則表示拍攝期間熱到暈：「嗰陣7、8月拍，仲要着皮衫，熱到頭暈，仲試過彎低身即見頭暈，成個頭撞埋牆度起咗層『樓』！」適逢元宵佳節，Edwin坦言忙拍劇，Grace則說：「約咗少婦聯盟食飯，覺得同女仔一齊都係愛嘅一種表示。」Edwin聞言笑說：「男男愛都得，等我搵曹永廉先！」