「魔鬼導演」點評男星 林超賢讚霆鋒最好打

林超賢點評合作過的男星，各有千秋。

爆張家輝為飯盒發火

提到過往曾與不少男星合作，林超賢各有評價：「謝霆鋒成日都約人打交，我覺得佢一定好好打！我覺得佢真係好打，因為佢好學，樣樣都去學。彭于晏就最捱得，拍《破風》嘅時候，佢踩單車加埋嘅里數同一個運動員冇分別。最盡力就係黎明，同佢拍過一場戲，係要佢一鏡直落咁跑，當時佢成個人非常緊張，激動到成身震晒，好盡力去做晒件事。」他直言最錫的非張家輝莫屬，大讚他最拚命，但踢爆他曾為一盒飯而發脾氣：「拍《激戰》嗰時佢真係搵命博，當時佢要接受一個咁高強度嘅操練，其實對成個人嘅身體機能、五臟六腑係一種摧殘，佢真係交條命畀我。我記得有一次佢冇飯食，佢見到我拎住盒飯，跟住走嚟發我脾氣，問我做咩要喺佢面前食飯！」

張家輝最搏命	謝霆鋒最好打	林超賢指拍攝《紅》片是個大挑戰。