李幸倪玩即影即有冇得P圖

歌手李幸倪（Gin）前日於唱片旗艦店舉行新碟簽名及合照會，吸引逾百名歌迷撐場。為答謝支持，到場的歌迷除得到Gin的親筆簽名外，更可以跟她拍「即影即有」合照。當Gin跟每位歌迷互動時，還不時跟着背景音樂唱出自己的歌冧歌迷。問為何會有這個合照會的想法？Gin自言很喜歡「即影即有」的實在感，更借機宣傳大碟：「感激喺呢個數碼年代，歌迷都願意用真金白銀買唱片，真係好難得！同埋即影即有冇得P圖，產生最真實嘅一面，就好似大碟名《Live in the Moment》一樣。」