寸陳百祥被照肺？ 陸永：去廁所咋！
擔任司儀之一的陸永在前晚頒獎禮中被指失準，除了將鮑姐（鮑起靜）講成「Bell姐」外，又將《踩過界》講錯《誇過界》，甚至與陳百祥頒獎時，當對方講了一句：「我份人好謙虛嘅。」陸永即回：「你喺謙虛呢方面都幾囂張！」有傳因而得失陳百祥，曾在後台被「照肺」。
陸永昨日透過社交網向鮑姐及《踩過界》致歉，至於得失陳百祥的傳聞，他接受電話訪問時說：「我冇唔開心，只係有啲擔心咁樣屈咗叻哥（陳百祥），佢係完全無嬲！我順住佢個笑去講個笑，完咗大家都相安無事，要還叻哥一個清白。（有段時間被消失？照肺？）我係去咗廁所咋！嗰段係鄭裕玲一個人喺個台度講嘢，個獎好認真，唔需要我喺度。」拍檔C君亦否認被照肺：「冇咁嘅事，落台係去廁所。」