估估吓：「波蓮」整容衰咗嚇窒「視帝」

樣靚身材正嘅前港姐「波蓮」，畀人印象最深係同「視帝」去日本拍咗輯歎世界嘅旅遊節目，佢幾乎集集都派福利，着住三點式泳衣浸溫泉，睇到班宅男眼都凸。「波蓮」本身係靚女一名，但衰在人心不足想蛇吞象，早排趁放大假去咗加拿大走一轉探親，點知返到嚟直情變咗另一個人，鼻高咗、眼仔又標致咗，每一個部位都係升級變靚咗，但慘在整體去睇就唔多順眼，真係「阿茂整餅」唔整好過整。最搞笑係「重新做人」嘅「波蓮」，喺一次活動中撞番「視帝」，仲好熱情咁走埋去，但係「視帝」明顯有一刻好愕然認唔到佢，情況有啲尷尬！好彩佢做得呢行轉數夠快，大家好快就明白晒，惺惺相惜。