張曦雯尋自然澳妙

面對一望無際的昆士蘭果園，最出名是即摘即食生果，因可減少生果運輸到各巿場期間所帶來的環境污染，Kelly說：「今次我就喺度食樹上熟嘅杧果，摘落嚟食超甜美，除咗杧果仲食咗牛油果同梅！」相信不少宅男想做Kelly手上的杧果！

澳洲有不少景點，Kelly坐上火車沿途欣賞風景，她自言這種慢活態度，遠離香港才可感受一下：「呢種火車喺1886年開始成為澳洲主要交通工具，今次我用咗兩個鐘，由起點到山上終點，欣賞咗唔少昆士蘭嘅風景。」

首次到大堡礁潛水的Kelly，坦言大開眼界：「下面好多魚，又好多珊瑚礁，但好多都白化晒，希望大家都關心一下環保！其實澳洲喺環境保育方面都投放好大資金，當地嘅居民對海洋好愛護！」

放大圖片	放大圖片	包場遊樂

包場遊樂

除了歎美食，擁有童真的Kelly還到主題樂園，玩澳洲最快的過山車：「嚟呢度有好多童年回憶，我每次玩過山車都諗起跟細佬以前去遊樂場玩嘅情景！今次旅遊局安排拍攝，封場任我玩，唔使排隊超正！」

享受鮮味	即捉即煮	唔敢亂吹

享受鮮味

黃金海岸出名食海鮮，Kelly說：「呢間海鮮店有新鮮買走，或者坐低享受即煮即食嘅服務，我全程都食唔少，好彩海鮮咋，唔係肥死！」

入鄉隨俗

品嘗名物

即捉即煮

今次澳洲之行，Kelly經常出海，最Enjoy是跟船伕捉泥蟹：「啲泥蟹都好大隻！我跟佢哋出海，捉完就上遊艇煮嚟食，配香檳加埋海洋反射上嚟嘅海水閃光，好似喺另一個仙境中歎世界！」

唔敢亂吹

以尤加利樹幹製成的原居民吹管樂器，Kelly坦言首次見識：「喺澳洲呢度，呢種樂器只係畀男人吹，女人唔可以吹，既然人家有咁嘅傳統，我都唔敢唔跟啦！所以我只係遠觀，知道呢位原居民好有技巧咁吹，佢話要好夠氣先吹到！」

入鄉隨俗

迴力鏢是澳洲原居民的傳統武器，Kelly亦有入鄉隨俗：「嚟到當然要玩吓！現今年代可以當係一種嗜好，以前係用嚟狩獵，所以今次亦想將呢種文化介紹畀大家，認識當地原居民嘅故事。」

品嘗名物

黃金海岸其中一種名物是啤酒，Kelly指當地的啤酒廠出產多種口味：「包括不含碳水化合物、不含酒精同自製啤酒等！」她今次品嘗不同類型啤酒，當然揀了些不含酒精來試，否則變成醉貓！

文：影視組