古巨基無綫「開騷」自爆欠劇債

古巨基及梁佩瑚等前晚現身電視城，為節目《流行經典50年》錄影。基仔繼早前參與《我愛EYT》演出，帶領大批舞蹈藝員勁歌熱舞引起回響後，前晚他先後獻唱多支首本名曲包括《愛與誠》、《歡樂今宵》及新歌《初心》等。提到一口氣唱了7首歌，恍如開小型演唱會，基仔笑說：「唔係嘅，今次主題係成長回憶，可能佢哋覺得我嘅歌陪住大家成長。上次《我愛EYT》係勁歌熱舞，今次就係抒情為主。」

被方皓玟爬頭生B

當年主持《娛樂新聞眼》「上位」的基仔，當晚重返電視城勾起不少回憶，他直言轉眼已25年有多，更自爆仍欠無綫劇債：「但今年除自編自導自演微電影外，仲要返內地拍劇。」提到近日各大樂壇頒獎禮，基仔說：「太多年冇去，都冇留意頒獎禮，不過我仲有留意花邊新聞嘅，方皓玟大咗肚嘛！（幾時到你？）生仔？（繼續努力？）係嘅，知道。」

方皓玟	古巨基為節目《流行經典50年》錄影，大唱首本名曲。	古巨基當年主持《娛樂新聞眼》，曾與鄭嘉穎（左）等合作。

梁佩瑚老公禁拍咀戲

梁佩瑚首度在電視節目獻唱，更拖實老公郭雲飛晒恩愛。問到兩公婆平日是否經常出雙入對時，她說：「成日都一齊去街，仲會車我去買餸囉，咁我哋仲係新婚嘛！（想拍番劇？）都想，不過老公話唔可以親嘴，落晒禁令。」她又指曾為網劇擔任導演，故深感幕前工作較為舒服，至於造人大計，她表示：「順其自然啦，老公前一段婚姻都有個14歲嘅小朋友。（同繼子相處順利？）大家關係似朋友，我都有繼母，清楚知道點去相處會舒服。」

文：影視組