克勤包50歲「二奶」老婆嫌有味

2017年度樂壇大贏家李克勤前晚抱病出席音樂會頒獎典禮，他在後台受訪時坦言收穫豐富，問到會否獎勵自己？他笑言早已買好禮物：「舊年三月已經用廿幾萬買咗架同自己同齡嘅老爺車。（早知自己攞獎？）唔係，都係搵個藉口啫！」克勤表示老爺車要搞牌費、保費，等足9個月終於揸得：「呢幾日都有揸，感覺好爽！一開門就聞到嗰陣50年歷史嘅味，但老婆一聞到就即刻走，仲話如非必要唔好叫佢坐，驚喺條街度跪低唔知點算。」他還透露下星期將會出動這架私伙老爺車，為新歌《五十路》拍攝MV。

城城盼有好歌：樂壇不死

闊別樂壇頒獎典禮16年的城城則表示，今次為答謝大會於1992年頒發自己於樂壇首個獎項，專誠推掉所有工作：「自己最重要嘅宗旨係無論咩階段都要飲水思源。（再參加頒獎典禮？）咁多年唔見我出席，都知咩事！（唔再參與會令頒獎典禮失色？）唔關事，時代轉變係事實，唔可以用以前嘅指標去緬懷，只要有好歌曲，樂壇永不死，一定會活着，只會更精彩。」

克勤由買入古董車到有得揸，足足等了9個月。	AGA（左）與Gin Lee盛裝打扮到場。	城城在音樂會頒獎禮上載歌載舞，掀起高潮。

另外，一向將感情低調處理的城城日前反傳統，與老婆方媛（Moka）愈愛愈高調，被市民捕獲於街頭咀嘴，十分恩愛！

文：音樂組

攝：鄭家俊、劉智源、林蔚恩