鄧以婷郵輪慶生日「彭于晏」贈興

無綫節目《3日2夜》過往找來小花或新晉咪神拍攝節目，再加上身穿三點式浸溫泉或游水，令網友大飽眼福。索女鄺潔楹、鄧以婷、伍樂怡和陳詩欣近日在社交網透露登上星夢郵輪「世界夢號」拍攝新一輯《3日2夜》，可能由於無綫近日發出「限奶令」，她們上載的多張靚相皆封胸，但仍憑靚樣和長腿吸睛，散發陣陣仙氣，獲網友封為新一代仙氣女神。

拍攝期間，鄺潔楹和陳詩欣等向本月生日的鄧以婷、伍樂怡和工作人員送上驚喜，舉辦「1月生日之星」派對，更安排彭于晏的紙牌做「嘉賓」，令壽星女鄧以婷開心得對着「彭于晏」冧爆嘟嘴，她昨日接受本報電話訪問指感到驚喜：「我同伍樂怡都係1月生日，有個Writer就1月4號生日，所以其他人夾埋畀Surprise我哋。（好鍾意彭于晏？）我都幾鍾意佢！有型又得意！」

陳詩欣（左起）、伍樂怡、鄺潔楹和鄧以婷老友鬼鬼。	另一壽星女伍樂怡登上星夢郵輪「世界夢號」，一身打扮甚有仙氣。	陳詩欣登上郵輪，當然趁機影靚相。

鄺潔楹自爆好嘈

負責訂蛋糕的鄺潔楹則憶述差點被鄧以婷撞破：「我拎完蛋糕就撞到鄧以婷，佢見到我就問我咩嚟，我反應唔切，仲亂答食消夜，都唔識點答又驚穿煲，佢仲反問我係咪買外賣！第二日我同佢哋慶祝講番，都覺得好好笑，好似電視劇情節。」提到被網友大讚是仙氣女神，鄧以婷感到好開心，更笑言將仙氣聽錯做屍氣！鄺潔楹則自覺冇仙氣，更自爆：「我會幾嘈同窒人。」

鄧以婷拎住彭于晏紙牌，仲想咀男神添！

鄺潔楹自覺仙氣欠奉，且是男仔頭。

採：影視組

文：專案組