陳庭欣約律師「男友」慶生拒認愛
組合C AllStar休團前為無綫主持節目《C AllStar泰空曼遊》，昨日在記者會上為成員釗峰預祝生日，而司儀陳庭欣同為8月壽星，故齊齊切蛋糕慶祝。陳庭欣被追問生日當天與緋聞律師男友唐偉倫撐枱腳，事後被指默認戀情，她說：「今年生日係多咗慶祝活動，踏入30歲嘛，好多朋友約食飯，我冇默認戀情。（當日打風約出嚟？）私人生活我想低調啲，大家鍾意點寫就點寫啦。」她又借機向C AllStar索取即將舉行的演唱會門票：「我要3張，同父母一齊去。（律師呢？）我顧掂父母先啦。」
釗峰最怕「分飛宴」
至於釗峰則直言生日願望是「人人有飛睇演唱會」：「已經有投訴話買唔到飛喇。（加場？）暫定兩場，公司好似未有咁嘅打算。（最怕幫人買飛？）『分飛宴』時應該最慘，大家又要坐前，又指明想同邊個坐咁，好難搞。」On仔則透露在泰國拍攝期間，眾人凌晨3點起床參加「水上供僧」，齊齊拜象佛祈求演唱會演出順利。
文：影視組