沈卓盈減磅奪譚俊彥「初吻」

沈卓盈（Jess）昨日以性感打扮現身尖沙咀出席《第36屆香港鐘表展》記者會，身穿低胸裙的她大晒事業線，相當養眼，談及手上的名錶價值16萬8千元，她即揚言要儲錢買。

肥到有雙下巴

目前忙於拍攝無綫新劇《特技人》的她，自爆之前拍攝劇集《平安谷．逐個捉》時胖到有雙下巴：「嗰陣唔敢上磅呀！食多咗，因為其他演員會帶零食開工。」現時忙拍時裝劇就要積極減肥，早前她曾透露拍拉扯戲時受傷，她說：「依家另一邊都傷咗，可能唔夠瞓所以拉親。（咁易整親點做打女？）如果監製睇得起我都ok。（男友肉赤？）為工作我不嬲都唔錫身！」

「錫嗰陣佢太太未生」

談到新劇中與日前再榮升爹哋的藝人譚俊彥有感情線，Jess笑言開工首日已奪對方於無綫劇的螢幕初吻，被問有否覺得對不起譚俊彥的太太？她笑說：「錫嗰陣佢太太未生嘅，不過佢仲緊張過我！」又表示會準備禮物給譚俊彥剛出世的囝囝。

放大圖片

譚俊彥

文：影視組