任達華打造Sexy惠英紅

影星任達華為主演的英皇電影《Mrs.K》宣傳，他大讚拍檔惠英紅專業：「佢為咗套戲練體能足足3個月，去到馬來西亞開工，佢有6粒（腹肌）我得4粒，好唔開心，不過我嫌佢唔夠Sexy就真！」對於惠英紅揚言「收山」不再拍打戲，任達華大感可惜，因迄今仍未發現有接班人：「我會游說佢唔好，我哋都係喺灣仔長大，我搞緊個劇本講灣仔，預算後年開拍，係打戲，我會邀請佢做女主角。我會拍得佢好Sexy，要係骨子裏嘅性感。（效果好幫佢惹啲狂蜂浪蝶？）想佢搵到個，不過佢眼角高，佢能文能武、戲又好，又識照顧人，我好欣賞佢！」他說以前經常睇導演張徹、劉家良的戲，惠英紅是女主角：「佢係長輩嚟，我睇佢演出大o架！」