張曦雯揀男友要瞓得
無綫藝員張曦雯（Kelly）早前為床褥品牌「歐化寶」拍攝全新一輯床褥廣告，她以簡約睡衣登場，於大床上大擺萌爆甫士，意態撩人。Kelly笑說：「我都係第一次着睡衣拍廣告咋，原來真係幾舒服嘅。我每次上床瞓覺，就會一家大細上晒床，我講緊自己隻狗同貓呀！」
天生愛睡的Kelly笑指從未受失眠困擾：「我係一上床就瞓得着嘅人，不過我生得比較高大，加上『反瞓』，成日碌嚟碌去，所以揀嘅床一定要夠大，我依家都瞓緊Queen Size嘞，至於睡房設計，我就鍾意簡約。」Kelly直言對床褥選擇的要求甚高，揀床褥拍得住揀男友：「因為平日做嘢已經好忙，優質嘅睡眠對我嚟講真係好緊要。」
