何依婷拉筋胸險
今屆《香港小姐競選》熱門佳麗之一何依婷昨日以兩件頭運動泳裝示人，學習拉筋俯身幾乎胸前失守走光！有驚無險的她事後笑言隨後着泳裝會加倍小心。
一班候選港姐昨日在黃竹坑一間酒店出席活動，以兩件頭運動泳裝示人。由於天雨關係，活動移師到室內，並由前港隊泳手蔡曉慧教授熱身拉筋技巧，但(1)何依婷俯身拉筋時一不小心，胸前險走光！決賽將於周日舉行，10位佳麗已操得甚弗，其中(2)李清心、(5)雷莊𠒇、(7)黃凱琪及(8)伍樂怡更操出腹肌！
伍樂怡拒男友觀戰
提到拉筋時幾乎走光，何依婷笑說：「冇留意！之前試過泳裝啱身嘅，相信唔會走光，但之後着泳衣都會加倍小心，始終走光嘅觀感唔好。」並透露在家「秘密練兵」，對鏡練習笑容及口才以應付問答環節。問到口才不俗的她可有信心搶分？她笑說：「唔好咁講，要睇整體表現，都有信心。」
至於伍樂怡找家人協助練習問答環節，問到會否擔心遇到刁鑽問題？她笑說：「最緊要係訓練轉數，到時遇到咩問題都可以應付，自己談吐都有進步，期待決賽來臨。（男友捧場？）唔會！父母會嚟支持，佢就會喺外面睇。」
黃凱琪食得清淡Keep Fit
明顯清減的黃凱琪透露近期食得清淡：「一瘦就全身瘦。」同樣有找家人練習問題環節，卻被嫌答得不夠好，笑言信心大受打擊！另一擁有六塊Fit爆腹肌的雷莊𠒇有教佳麗練腹肌方法，邱晴與張寶欣則表示按照營養師指示，不用節食也能減磅。
文：影視組