男星羅拔柏迪臣（Robert Pattinson）於2012年被《吸血新世紀》（Twilight）拍檔兼女友姬絲汀史釗活（Kristen Stewart）送上綠帽，其後結束4年情，成為一時熱話。羅拔自2014年起與女歌手FKA Twigs拍拖，早前才於訪問中透露兩人「算係訂婚」，關係穩定，但FKA日前被拍到在西班牙與神秘男子出遊，兩人全程並排而行勁咬耳仔，男方更一度埋身咀FKA個頭，難道羅拔今次又再戴綠帽？
不過羅拔最近亦被拍得與相識多時的天后Katy Perry共進晚餐，未知FKA此舉是否向男友示威？與FKA親熱的男子，隨即被起底，原來是法國男模Brieuc Breitenstein。
此外，羅拔早前回應特朗普（Donald Trump）於2012年未做美國總統前，於社交網站鬧爆姬絲汀力撐羅拔一事，他指特朗普最初發文時，對他未有特別意義，但笑言現時心態不同：「（依家）會諗到底件事點樣同我人生其他事接軌，有時你又會諗：『（件事）可唔可能於我演戲中用得着？定係我應該將件事放埋一邊？』係幾有趣嘅，唔知呢，或者呢個就係大家覺得我好煩嘅原因。」
文：外娛組