莊思明愛犬過分熱情 變孤獨精

藝人莊思明（Lisa）是愛狗之人，經常在社交網分享愛犬Haru的相片。她指Haru性格非常特別，難以和其他狗仔相處：「相處唔到唔係因為Haru會發惡或者咬其他狗，而係佢嘅性格令到其他動物唔係咁鍾意同佢玩！我覺得係因為Haru太過熱情，又鍾意玩，所以佢成日黐住其他狗仔，但又察覺唔到其他狗唔鍾意，最後會發脾氣同咬佢，但佢都係唔識停。」故Lisa覺得Haru很可憐，令她更加疼錫。