爆祥嫂18萬掃貨買裙送子 鄧兆尊自費養三姝冇用「阿公」錢

已故粵劇名伶新馬師曾（鄧永祥）雖然已經逝世多年，但其遺孀洪金梅（祥嫂）及子女的家庭糾紛至今還未解決，其遺產稅務問題仍有爭議。最近，鄧永祥長子鄧兆尊接受傳媒訪問，透露賣地、酒樓「楚留香」原址易手後所得將撥歸他們四兄妹共同擁有的「阿公」戶口。

本報致電兆尊詢問有關細節，談到資產套現後的用途，他說：「其實所有嘢都未知，亦都唔使講出嚟交代咁多。」講到他御女有術一拖三，問現時支出是否多用於三位女友身上？他否認說：「其實佢哋都係正常人使錢，唔誇張。（支出都係問阿公拎？）唔係，我自己本身都有投資。」供養三頭住家完全自費。

「其實債係唔多」

提到有指兆尊打算用變賣所得還債，他不願透露太多：「其實債係唔多。」自稱來自一個「愛生事家庭」的他受訪時更表示讀小三時，父親晚晚捉他講人生道理講到半夜三點，情況維持到中學，故自小已有人生歷練。

母親「心」「眼」未開

兆尊又指母親是小妹妹，「心」和「眼」都仍然未開，試過到店內手指指說要這件衫那件衫打算為子女添新衣，即使其中一條是裙，她依然打算與兆尊「兩份着」，四件衣服盛惠18萬元。而兆尊亦透露弟弟兆榮試過以送新車給他為由，買下一架白色名廠跑車，最後卻由兆榮自己「揸住先」。

文：影視組