新劇執劉佩玥二攤 馮盈盈自覺幸運

港姐馮盈盈、張寶兒及陳雅思昨日出席活動，面上長了大粒青春痘的盈盈，解釋因忙拍新劇《果欄中的江湖大嫂》所致，她說：「時間日夜顛倒，我相信係生理時鐘需要時間去適應啫！嚟緊我有心理準備，24小時住喺錄影廠！（傳你執劉佩玥二攤？）一半真一半假啦！我原本已獲派參演呢套劇，但的確係作出過角色調動，只係配合公司安排。（唔介意？）我覺得幸運就真，好事嚟嘅！」至於張寶兒回應候選港姐妹妹張寶欣被拍得與「四眼男」拍拖一事：「據我所知唔係，佢冇拍拖。」而陳雅思則透露將拍劇：「應該係9月左右，心情梗係緊張，我有搵私人老師教戲，花咗成兩萬蚊，好肉痛，但物有所值。」