惠英紅撐慈善晚宴照顧「老友記」心靈

藝人惠英紅、張達明、蘇永康、崔建邦及林作等，昨晚出席由導演陳德森等藝人與慈善團體發起的慈善晚宴，為興建安老院籌款，場面熱鬧。惠英紅說：「知道佢（陳德森）有同唔同嘅慈善機構做嘢，我自己都有做開，覺得老人係最需要照顧嘅一群。我去探訪會發現佢哋要嘅唔係物質，而係心靈上嘅照顧。（你老友鍾慧冰患病。）佢依家精神唔錯，個女又孝順，已經出返嚟做嘢啦！之前見佢仲要用拐杖，依家唔使之餘仲打到牌、甩到牌。佢有介紹中醫師畀我，因為我都多小毛病。」