梁家輝最怕女兒一世唔嫁
藝人梁家輝偕太太及大女梁穎晨（Chloe）昨日現身車行開幕，他坦言是首次做剪綵嘉賓：「今日好例外，平時好少出呢啲場合，因為車行其中一個老闆係我嘅世姪，由細睇到佢大，佢同朋友創業，喺香港創業唔易，好值得鼓勵。」
提到早前Chloe拍廣告，他否認女兒入行：「佢拍廣告係幫朋友。（佢有冇潛質入行？）要畀佢試吓先知，唔係佢想入行，我就幫佢，要佢試過先知自己得唔得。（你反唔反對佢入行？）我乜都唔反對，就算佢話結婚生仔我都唔反對。（恨唔恨個女快啲結婚？）如果佢搵到個鍾意嘅人我冇所謂，好多人以為仔女結咗婚就會冇咗個仔女，如果你對家庭信任，你係唔會冇咗個女，而係多咗個仔，如果個女一世唔嫁，死跟我，我都好心噏。」