王賢誌（圖）前晚為東華三院慈善晚會擔任司儀，他透露已支持該院快將二十年，而去年他曾任東華總理，今年因為工作太忙而辭任，他稱來年有機會再上任：「出年係賭王三太陳婉珍做主席，佢都有問我做唔做總理，我考慮中。」
談到電視台發牌問題，王賢誌直言支持：「身為電視藝人，多間電視台，台前幕後多個出路；身為觀眾，有多間電視台先會有比較；身為廣告客戶，多間電視台都係喜訊。我睇唔到有咩理由唔發牌，政府議而不決，真係令人好忟，唔發牌都要畀個理由，唔可以拖拖拖。」
