捐窿捐罅 廖碧兒尋寶重遇有緣人
藝人廖碧兒與河國榮最近為奇妙電視節目《香港有寶證》任主持，香港臥虎藏龍，他們將介紹各行各業的特別人物，別看碧兒性格西化，其實骨子裏非常傳統，平時也會捐窿捐罅「尋寶」，她笑言節目令她眼界大開！
當中廖碧兒訪問本港唯一一位麻雀雕字女師傅，原來竟認識對方，她說：「我有釀開紅酒，之前推出過一批限量版麻雀Set作慈善用途，就搵過呢位女師傅幫手雕字。又有一位陶瓷師傅，我喺七年前原來幫襯過佢，真係好有緣，其實香港有好多呢啲寶物，只係大家唔講唔知啫！」
驚嘆臥虎藏龍
河國榮透過節目認識一位香港發明家，驚訝對方發明在太空運行的潛水艇：「仲有個人造心瓣，唔需要開刀就可以裝入去，穿過血管入去心臟，依家有公司有興趣同佢合作，真係好出色！香港咁細，點諗到有咁多叻人！」他們均有興趣添食，期望新一輯可以自選嘉賓。
文：影視組
場地：The Pawn by Tom Aikens