張智霖全家出動 老銅「掃街」
張智霖（Chilam）昨日與無綫三小花林頴彤、梁嘉琪及鄧佩儀出席護膚品牌活動，Chilam透露早前為品牌拍宣傳片返無綫電視城，感覺不錯，有興趣回無綫拍劇，他說：「時間同劇本最重要，我都想提供多啲服務同娛樂畀香港市民。嚟緊我喺添馬艦會同黎明、陳小春做騷，三個人有好多互動。（一齊跳舞？）有好多唔同嘢會發生，仲有好多香港情懷。」並透露表演當日是母親生日，他希望母親能到場欣賞。
林頴彤甩拖關阿媽事
提到香港情懷，Chilam不諱言最愛香港街邊小食，並自爆經常在銅鑼灣「掃街」：「啲人見到我都好友善，唔會阻住我『掃街』。（店主係咪會送多粒魚蛋畀你？）都會。（有冇唔收你錢？）都試過唔收，但數還數，會盡量畀番錢，但有時都盛情難卻，我最鍾意食咖喱魷魚。（一家人一齊掃？）我一個人掃就快啲，老婆（袁詠儀）都會掃，佢鍾意食燒賣，囝囝就食雪糕，有啲雪糕夾餅好好味。」
至於早前在社交網站宣布跟藝人男友容天佑再次分手的林頴彤（Bella），表示大家是有共識下分開，是真分手，不會再復合，原因是跟對方相處有問題，媽咪亦有施壓：「媽咪唔想我拍拖，因為事業剛起步。（拍拖要先過你媽咪嗰關？）係，好重要。」她指二人分手後仍是朋友及同事。而身穿白色短裙騷腿的梁嘉琪，活動上被Chilam拖手仔，令她怕醜甜笑，少女味十足。
文：名人組