張赫中環歎點心

韓星張赫昨日來港，同行還有同門藝人南奎麗及諧星柳談，南奎麗昨在Instagram上傳三人在天台上玩自拍，張赫更企近欄杆邊取靚景。另外，他們又到位於中環的點心店開餐，原來他們今次訪港是拍攝飲食節目，三人在貴賓房內取景，戴着闊邊帽的張赫，不時做出豎起手指公的動作，拍攝期間有粉絲聞風而至在店外守候，難怪張赫如此風騷！點心店老闆名媛陳君宜昨亦親自到場招呼，她說：「上星期我同個導演見面，對方好鍾意得意點心，又可能我又靚女啦，哈哈，所以揀咗嚟呢度拍攝。佢哋見到用emoji做嘅點心好鍾意，試食時都好開心呀！（鍾唔鍾意張赫？）有睇佢同全智賢拍啲齣電影《野蠻師姐》，都幾靚仔。（同老公鄭躬明比，邊個靚仔啲？）梗係我老公靚仔啦！哈哈，冇得比。」此外，張赫近日客串好友車太鉉有份執導的韓劇《最佳一家人》，兩人默契十足，據悉拍攝當日氣氛十分好。